New Delhi, Jylliew:
Naba ka jingïap jong ki briew ka la nang kiew ha kylleng ki bynta jong ka Uttar Pradesh bad Bihar, kumta ka sorkar pdeng ka la shim ïa ki lad ki lynti na ka bynta ban tip kham bniah shaphang ki daw jong ka jingïap jong ki briew naba la don ka jingsuba ba ka la dei na ka jingshit kyrpang jong ka sngi.
Ki la don kumba 70 ngut kiba kum kine ki briew kiba la ïap tang ha kawei ka distrik ha Uttar Pradesh bad palat 50 ngut ha ka distrik kaba ha Bihar.
Katba ka sorkar Uttar Pradesh ka la ong ba ïa ka daw ban lap halor ka jingïap jong ki briew ka dang don hapdeng ka jingtohkit bniah. Ka la thalaiñ tyngeh ïa ruh ïa ki doktor sorkar ha Ballia halor ka jingkren jong ki kaba khlem pyrkhat ha kaba ki la ong ba ka jingïap jong kine ki briew ka la dei na ka daw jong ka jingjur ka jingshit, ki heh sorkar ha Bihar ki la pdiang ba ka jingshit kyrang jong ka sngi ka la long ka daw halor ka jingnang bteng jong ka jingïap jong kiba bun ngut ki briew.
