Srinagar, Jylliew:
Saw ngut ki lehnoh kiba la pyrshang ban rungtuh sha ki bynta jong ka ri na Pakistan-Occupied Kashmir (POK) ki la shah pynïap noh ha ka por ba don ka jingpyntreikam jong ki shipai ka tnat Indian Army bad ki pulit ka Jammu & Kashmir ha Kupwara hynnin ka sngi.
Kane ka dei ka sien kaba ar ha kaba la lah ban pynpulom ïa ka jingthmu wan rung tuh jong ki bar ri ha ka shi taïew.
Ka jingïasiat kaba jur ka la mih ha ki bynta jong u Line of Control (LOC) ha Machhal Sector ha Kupwara.
Kine ki lehnoh ki la pyrshang ban rungtuh sha ki bynta jong ka ri na POK, la ïathuh ki pulit. Ka jingïasiat ka la mih haba ki lehnoh ki la pyrshang ban rung jubor shapoh ki bynta jong ka ri.
Ha ka taïew ba la lah ki la don kumba san ngut ki lehnoh Pakistan kiba la shah siat ïap ha Kupwara.
