Vijayawada, Jylliew:
Ka kynhun Crime Investigation Department (CID) jong ka Andhra Pradesh ka la phah shithi sha u Chairman jong ka kompeni Margadarsi Chit Fund Private Limited (MCFPL) u Cherukuri Ramoji Rao bad sha u Managing Director u Ch Sailaja Kiron, ha kaba la bthah ïa ki ba kin leit ban mih hakhmat jong ka ha ka 5 tarik, Naitung ha ka jaka treikam jong ka kaba don ha Mangalagiri.
Ka MCFPL ka la shah kynnoh ba ka la phah ïa ka pisa ïa kaba la ïoh ban lum na ki nongkyrshan jong ka na ki tnat bapher bapher sha ka Corporate Office bad tohkit halor ka pisa kaba la don.
U DSP jong ka kynhun CID ha ka jylla u Ch Ravi Kumar u la phah da ka shithi hapoh ka jingtreikam jong ka CrPC Section 41-A (1). Hashwa kane, ka kynhun CID ka la phah shithi sha u Ramoji Rao, Sailaja bad kiwei pat hapoh ka jingtreikam jong ka kyndon 160 jong ka CrPC, ha kaba la hukum ïa ki ba ki dei ban leit mih hakhmat ka jaka treikam jong ka kynhun tohkit kaba don ha Mangalagiri.
