Srinagar, Jylliew:
Kumba la ïathuh ka tyllong khubor, la ong ba ka la long ka jingeh kaba khraw na ka bynta u nongïaleh ban pynïoh ïa ka hok jong ki khynnah, u Zaheer Jan, mynta la bun bun snem ban ïakhun na ka bynta ban pynïoh ïa ka hok jong ki khynnah kiba donkam kyrpang ha Jammu & Kashmir khnang ba kin ïoh ïa kajuh ka lad na ka bynta ki jingpule bad ïa ka hok longbriew manbriew hapoh ka Article 21.
“Nga la buh ïa kane ka jingkyrpad da ka jingkwah jong ki hajar ngut ki khynnah kiba donkam kyrpang ha Jammu & Kashmir khnang ban lah ban pynïoh kumjuh ïa ki lad ai jinghikai na ka bynta jong ki ha baroh ki skul jong ki riewshimet katkum ki aiñ,” la ong ka jingthoh.
Kumba long kiwei pat ki jylla, ka Jammu & Kashmir ruh ka don ïa shibun ngut ki khynnah kiba duna dkhot met. Ka jingdon jong kum kine ki khynah ïa kiba la pynrung kyrteng ha J&K ha ki snem long skul jong u 2020-21 ka la long 22,736 ngut, ha kaba na kine, ki la don kumba 13,190 ngut ki shynrang bad 9,546 ngut ki kynthei.
