Thiruvananthapuram:
Ka seng CPI(M) kaba bat ïa ka jingsynshar ha Kerala bad ka Congress kaba don ha ka liang pyrshah ki la don hapdeng ka jingpynibor kaba mar pyrshah halor ka jingdon jong ki syrnot thok ha ka jylla, ha kaba ka la mih ka jingkynnoh ba ka kynhun Left ka la don bynta ban ai ka jingïada ïa kito kiba la leh ïa ki kam beaiñ.
Ka seng CPI(M), ha kawei ka bynta, ka la kyntait pyrshah halor ka jingshah kynnoh bad ai ka jingkyrshan ïa ka kynhun jong ki samla pule jong ka SFI, ha kaba arngut ki dkhot barim jong ka ki la shah mudui ba ki la pyndonkam da ki syrnot kiba thok.
Ha ka por ba la beh noh ïa u nongïalam jong ka seng SFI u Nikhil Thomas uba la shah kynnoh pyndonkam da ki syrnot thok na ka bynta ban pule ha ka M Com Course ha ka kolej ha ka thaiñ Kayamkulam jong ka Alappuzha distrik jong ka jyla, u dkhot barim jong ka SFI u Vidya K Maniyodi u la shah kynoh ba u la ai da ki syrnot thok ha kaba ïadei bad ka Teaching Experience na ka bynta ban shah thungkam ha ka kolej sorkar.
