Ki briew mynta ki la rah da ki ‘Laptop’ ha ka jaka ki maw: Shah

Srinagar, Jylliew:

U Myntri jong ka sorkar kmie uba dei khmih ïa ka tnat ki kam pohïing u Amit Shah u la don bynta ha ka jingleit jngoh ba-ar sngi sha Jammu & Kashmir kaba long naduh ka sngi Thohdieng haba ai jingkren ha ka jingïalang paidbah kaba la long ha ka sngi ba plie ïa u mawnong-rim na ka bynta ka jingpyntreikam ïa kiba bun ki Project ha Jammu.

U Shah u la ong ba la sakhi ba ki kam pyntriem jong ki lehnoh ka la hiar da 70 bad 90 shah ha kaba ïadei bad ki jingkawang maw. U la ong ba ha ka jaka ban kawang maw, ki samla mynta ki la rah da ki Laptop.

Ha Union Territory, u Shah u la leh burom ruh ïa u nongaibuit jong ka seng Bharatiya Janata Party (BJP) bad u nongseng jong ka Bhartiya Jana Sangha, u Syama Prasad Mookerjee, kane ka la long ha ka step jong ka sngi Thohdieng.

Ha ka sngi kaba nyngkong jong ka jingleit jngoh jong u, u Shah u la don bynta bna plie ïa u mawnongrim jong ka Central Forensic Sciences Laboratory ha Samba bad kumjuh ïa kiba bun kiwei pat ki skhim pynroi ha ka nongbah.

Ha ka por janmiet ha Srinagar u la don bynta ban ïashim bynta ha ka Vitasta Festival ba la pynïaid da ka Union Ministry of Culture bad ïakren ruh ha kaba ïadei bad ki lad pyntreikam ban wanrah jingshngaiñ ha ka nongbah.

Ha ka sngi kaba bud u Myntri u la plie ïa u maw nongrim jong ka ‘Validan Stambh’ ha Srinagar hashwa ba un leit phai sha ka nongbah.