Bengaluru, Jylliew:
Ka seng BJP kan sa pynlong ïa ka prokram ai jinghikai bad pynsngewthuh paidbah ha Karnataka ha kaba ïadei bad ki jinglah treikam jong ka sorkar kmie ba la lamkhmat da u Myntri Rangbahduh u Narendra Modi ha ki 9 snem ba la leit, la ong u National General Secretary jong ka seng BJP u C T Ravi.
Ha ka jingai jingkren sha ki nongthoh khubor, u Ravi u la ong ba ïa ka jingleit pynsngewthuh paidbah yn sa pynlong haduh ka 30 tarik, Naitung ha kylleng ki jaka jong ka jylla bad ha kaba ïadei bad kane, la lah ban thaw ïa 7 tylli ki kynhun tang ha Dakshina Kannada distrik na ka bynta ban pynïaid ïa kine ki prokram.
U la ong ba ka sorkar kmie ka la don ka bynta ban kyntiew, ban leh ei ei bad ban wanrah ki jingkylla ha kiba bun ki liang.
