Hyderabad, Jylliew:
U heh nongïalam jong ka seng Congress ha Telangana u Revanth Reddy u la ong bym don jaka hapoh ka jylla na ka bynta ka heh nongïalam jong ka seng Yuvajana Sramika Rythu Telangana Party (YSRTP) ka YS Sharmila bad la ong ba ka la dei ban neh ha ka trep lajong ha ka jylla Andhra Pradesh.
“Ym don jaka na ka bynta ka YS Sharmila ha Telangana. Ka trep jong ka ka dei ha Andhra Pradesh. Lada ki briew na Andhra Pradesh ki ïoh kam hangne, u ne ka kin sa ngat ha ki kam leh riewkhlaw na ki briew jong ka Telangana,” la ong u Reddy.
“Ngi pdiang ïa ka YS Sharmila sha ka seng Congress. Ka lah ban ïatreilang bad ka seng ne bad u Rahul Gandhi. Wat ka jingthrang kaba khatduh jong u kpa jong ka, u YS Rajasekhara Reddy, u la kwah ban pynlong Myntri Rangbahduh ïa u Rahul Gandhi. Ka lah ban ïakhun ïa ka ilekshon na Kadapa konstitwensi, “la ong u Reddy.
