New Delhi, Naitung:
Ki la don palat 1,500 ngut ki nongñiah kali kiba la phah da ka shithi sha u Myntri ka tnat Transport ka Delhi u Kailash Gahlot ban ai jingmut na ka bynta ban pyntreikam ïa ka Motor Vehicle Aggregator Scheme 2023.
Ïa kane ka skhim la pdiang da u Myntri Rangbah u Arvind Kejriwal ha u bnai ba la lah. Ka jingbuh ïa ki Panic Button ha ki Taxi, ka jingpyndonkam lang ïa u Emergency Response Number ‘112’, bad ka jingpyntreikam katkum ki bynta jong ki Electric Vehicles (EV) ki la long ki mat ba la wanrah ban pyntreikam hapoh katei ka skhim na ka bynta ban pynïaryngkat ïa ki jingtreikam jong kine ki kali bad ban pynbiang ka jingshakri ha ka nongbah.
Ha ka jingbuh jingkyrpad jong ki, ki nongñiah kali ki la ong ba la dei ban pynkiewdor ïa ki Electric Vehicle haba ïanujor bad kiwei pat ki kali.
Ki la dawa ruh ban pyntreikam ïa ka jingkyrshan pisa khnang ban biang ki rukom pyntreikam.
Ki la ai jingmut ba ïa kane ka skhim la dei ban pyntreikam khnang ban pynïaryngkat ïa ki por ba la dei ban kylliang ha ka jingpyntreikam.
