Shillong, Naitung 02:
Ka Synod College Shillong ha ka Sngi Saitjaiñ ka la rakhe ïa ka sngi seng (Foundation Day) kaba 58 ha ka jingïalang kaba la long ha kane ka shlem ai jingpule ha kaba u MP ka Rajya Sabha, u Dr WR Kharlukhi u la long kum u kongsan.
Haba ai jingkren, u Dr Kharlukhi u la ai jingïaroh ïa ka Synod College halor ki sienjam ba bun kiba ka la shim bad ha kajuh ka por, u la kren halor ka jingpaw ki briew kiba la pyndep ïa ka jingpule na kane ka shlem.
Ha kane ka shlem pule, la buh ïa ka jaka pynlang um, jaka pynkhuid um, kor ban pynkhuid ïa ki jaboh.
Ha katei ka sngi, la plie ruh ïa ka ERP bad ka jaka ïaid na ka bynta ki samla pule kiba don jingduna ha ki dkhot met.
Nalorkata, la sam ruh ïa ka bai bam sha ki samla pule kiba la leh bha katba ïa ka Synod College Achiever’s Award la ai sha u Dr. Iohborlang M. Umlong halor u synñiang ba u la pynnoh sha ka saïan bad ki kam wad bniah bad sha u Batskhem Lyngkhoi halor u synñiang ha ka liang ka Medical Physics bad ka jingwad bniah.
