Lucknow, Naitung:
Kum shi bynta ban wanrah ïa ki Micro, Small and Medium Enterprises (MSME) kum ka bynta kaba kongsan ban ai jingkyrshan na ka bynta ki klur ngut ki briew jong ka Uttar Pradesh, u Myntri Rangbah u Yogi Adityanath, u la ong ba yn lah ban ai bad pynbiang kam sha kumba 7.5 lak ngut ki samla lyngba ka jingtreikam jong ka Prime Minister and Chief Minister Internship Programmes ïa kiba la pyntreikam mynta ha ka jylla.
U Yogi u la hukum ïa ka tnat MSME ba ki la dei ban buh ïa ki shnat treikam jong ka ha ki bynta jong ka Purvanchal, Bundelkhand bad Ganga Expressways.
U la hukum ruh ïa ki heh ba dei khmih ba ki la dei ban mih shakhmat na ka bynta ban pyntreikam ïa ki Project jong ka Unity Malls ha Lucknow, Varanasi bad Agra nalor ki jingpynbit pynbiang sha ki nongpynïaid jong ki MSME katkum ki jingdonkam.
Ha kaba ïadei bad kane, ha ki hynriew snem ba la lah, da ka jingai mynsiem jong u Myntri Rangbahduh u Narendra Modi, ka sorkar jong ngi ka la lah ban pyntreikam lajan 96 lak tylli ki MSME ha kylleng ki jaka kiba don ha ka jylla ha kaba kane ka la ai jingmyntoi bad kyrshan ïa ki briew,” la ong u Yogi.
