New Delhi, Naitung:
U Myntri ka sorkar kmie u Shripad Naik u la ong ba ka sorkar ka la don bynta na ka bynta ka jingthmu ban weng ïa ki jingeh ba ïakynduh da ki nongleit jingleit lyngba ki duriaw kiba long shi bynta ki kynhun kiba wanrah ïa ka ïoh ka kot hapdeng ki nong India.
U Myntri khynnah uba dei khmih ïa ka Ports, Shipping, Waterways & Tourism u Naik u la ai jingkren ha ki khyndiat sngi jong ka taïew ba la lah ha ka sngi plie ïa ka Seafarers Club ha Jawaharlal Nehru Port Authority (JNPA) kaba don ha Navi Mumbai ha ka sngi ba la rakhe ïa ka International Seafarers Day.
Ka State-of-the-art Club, kaba don ha phyllaw jong ka JNPA, ka ju ai ka jingshakri ha ka ban pdiang burom bad ai ki jaka ba biang na ka bynta ki nongleit jingleit.
Ka jingthmu jong ka sorkar kan sa ïarap ha ka ban lah ban kyntiew ïa ka leit ka wan jong ki briew kiba ju leit jingleit lyngba ki duriaw ha kiba bun ki rukom kynthup ha kaba ïadei bad ki kam khaïi ba bun jait.
Kane ka jingphai khmat jong ka sorkar sha kane ka kynhun kan sa ïarap ban wanrah shuh shuh ïa ka ïoh ka kot ha ka ri bad kumjuh ban ai ka jingkyrshan kaba markylliang.
Kane ka Club kan sa ai ka jingshakri sha ki nongleit jingleit ha ka por ba ki la hiar na ki jhad, la ong ka jingthoh ba la phah da ki heh sorkar.
