New Delhi, Naitung:
Katkum ka jingïathuh jong ki pulit, la ong ba la lap ïa ka Drone kaba la her halor ka jaka sah jong u Myntri Rangbahduh u Narendra Modi ha Delhi hynnin ka sngi. Ha kaba ïadei bad kane, ki pulit ki la ïathuh ba kim shym lap ei ei ka ban buh jingma ne lap ei ei ha ki bynta ba la her ka Drone.
La ïoh pdiang ïa ka PCR Call ha ka por 5 baje hynnin ka step ha kaba la ong ba la don ka kynja ba her kaba i kum ka Drone halor ka ïingsah jong u Myntri Rangbahduh, la ïathuh ki pulit.
Ha kaba ïadei bad kane, ki pulit bad kiwei pat ki kynhun ïada ki la pynpaw ba kim shym lap kaei kaei kaba buh jingma, la ïathuh u heh pulit, ha kaba u la bynrap shuh shuh da kaba ong ba ka Air Traffic Control (ATC) ruh kam shym lap ei ei.
