Mumbai, Naitung:
Ki nongbud jong ka seng Maharashtra Navnirnam Sena (MNS) ki la buh da ki Poster ha Mumbai ban kyrpad ïa u President ka seng u Raj Thackeray bad ïa u bakha jong u uba long u nongïalam jong ka Shiv Sena (UBT) u Uddhav Thackeray ban ïasnohktilang noh bad ban ïatreilang ha ki kam saiñ pyrthei ha ka jylla.
Ha kawei na ki Video ba la pynsaphriang ha ki lad phah khubor, la ong ba kawei ka poster ka la buh ka jingkyrpad ba kine shi bakha ki la dei ban ïatreilang. ïa kane la lap habar jong ka petrol pump kaba don ha Ram Ganesh Gadkari Chowk ha Dadar West.
“Ki kam saiñ pyrthei ha Maharashtra ki la jaboh,” kane ka poster ïa kaba la buh da u nongïalam jong ka seng MNS u Laxman Patil ka la ong, ha kum kane ka por ka la don ka jingïapher jingmut, kaba nyngkong ka long ba ha Shiv Sena bad mynta ha ka seng Nationalist Congress Party.
Kane ka poster shuh suh ka la ong, “Rajsaheb-Uddhavsaheb to ïasnohktinoh mynta. Baroh kawei ka Maharashtra ka ap ïa phi, ka jingkyrpad jong ki shipai jong ka Maharashtra kan long da ka jingsngewrit.”
Ka kynhun jong u Raj bad u Uddhav ka la ïapait ha u snem 2005 haba u Raj, uba la paw ba u long u nongjop pyrshah ïa u Bal Thackeray, u la mih noh na ka seng BJP ha ka por ba ka la don ka jingïapher jingmut hapdeng jong ki bad seng noh da ka seng lajong ha u snem uba bud.
U Uddhav u la long u heh nongïalam jong ka seng Sena ha u Kyllalyngkot jong u snem 2013 hadien ka jingkhlad noh jong u Bal Thackeray bad kaba la tyllun da ka jingpynïaid jong u Eknath Shinde bad thaw sorkar bad ka seng BJP.
