Mumbai, Naitung:
Ki la don kumba 35 ngut napdeng 53 ngut ki MLA jong ka seng NCP kiba la don bynta ha ka jingïalang ba la pynïaid da u Symbud Myntri Rangbah jong ka Maharashtra u Ajit Pawar ha Mumbai hynnin ka sngi, la ïathuh ka tyllong khubor ba la wan na ka seng.
Ka jingdon jong ki dkhot ka seng kin sa nang bun, la ïathuh shuh shuh ka tyllong khubor. San ngut na ki phra ngut ki MLC jong ka seng NCP ruh ki la leit ban ïashim bynta ha ka jingïalang ba la long ha ka thaiñ Bandra, ki la ong.
Kumba la ïathuh u Principal Secretary barim jong ka Maharashtra Legislature u Anant Kalse, la ong ba ka kynhun jong u Ajit Pawar ka la donkam ka jingkyrshan sa na ki 36 ngut ki MLA khnang ban lait na ka jingshah pyrkhing.
Ki nongkyrshan jong u heh nongïalam jong ka seng NCP u Sharad Pawar ki la leit sha ka ïingsah jong u kaba don ha South Mumbai hynnin ka sngi, khyndiat kynta hashwa ban don katei ka jingïalang ban pyni ïa ka jingbun paid da u bad jong u Ajit Pawar uba la mih noh na ka seng bad long u Symbud Myntri Rangbah.
Ka kynhun jong u Sharad Pawar bad jong u Ajit Pawar jong ka Nationalist Congress Party ki la pynlong da ki jingïalang ha Yashwantrao Chavan Centre ha South Mumbai bad ha Bhujbal Knowledge City kaba don ha ka thaiñ Bandra.
