Mumbai, Naitung:
Ki la don baroh kumba 67,566 ngut ki nongleit ïaid riewblei kiba la leit ban jngoh ïa ka jaka kyntang kaba don ha ka krem ha Amarnath naduh ba la sdang ïa ka Yatra ha ka 1 tarik, Naitung, la ong ka jingthoh kaba la wan na ki heh sorkar.
Ha ka sngi Balang, ki la don kumba 18,354 ngut ki nongleit ïaid riewblei kiba la mih ban leit sha ka jaka kyntang ha Amarnath na baroh ar tylli ki jaka sah jong ki kiba don ha Baltal bad Nunwan na ka bynta ka jinglehniam.”Kine ki kynthup ïa 12483 ngut ki shynrang, 5146 ngut ki kynthei, 457 ngut ki khynnah, 266 ngut ki Sadhu bad 2 ngut ki Sadhvi,” la ïathuh shuh shuh ka jingthoh.
“Ka jingdon jong baroh ki nongleit ïaid riewblei kiba la ïashim bynta ha ka jinglehniam Darshannaduh basdang ïa ka Yatra ka la long 67566 ngut. Kin sa don shuh shuh ki nongleit ïaid riewblei ki ban sa leit ban jngoh ïa ka jaka kyntang ha kine ki sngi ban sa wan,” ka la bynrap. “Baroh ki tnat, kiba kynthup ïa ka tnat pulit, SDRF, Army, Paramilitary, Health, PDD, PHE, ULB, Information, Labour, Fire and Emergency, Education, bad Animal Husbandry ki la don bynta na ka bynta ki jingdonkam bad ka jingbuh ïa ka SANJY ka la long da ka jingpyntreikam ïa ki briew jong ka bad ki kor ki bor,” la ong ka jingthoh. Ka jingïaid riewblei kaba 62 sngi sha Shri Amarnath Yatra kan sa kut ha ka 31 tarik, Nailar, 2023.
