New Delhi, Naitung:
Ka jingïalang jong ka liang pyrshah kaba la thmu ban pynlong ha Bengaluru kan sa long noh ha ka 17 bad ka 18 tarik, Naitung, la pynbna ka seng Congress ha ka Lah Sngi U Blei. Kane ka jingïalang ka long halor ka jingthmu ban ïakhun tyngeh pyrshah ïa ka seng BJP.
Kane ka jingpynbna ka la long hadien ba la pynkynriah ïa ka tarik, ba la thmu ban pynlong ïa kane ka jingïalang ha ka 13 bad ka 14 tarik, Naitung, namar ka jingdon jong ka dorbar Lyiur. Ka tyllong khubor kaba la wan na ka kynhun ka liang pyrshah ka la ong ba ki nongïalam kin sa ïakynduh ha ka janmiet jong ka 17 tarik, Naitung ha kaba yn sa bteng ha ka sngi kaba bud.
