Kolkata, Naitung:
Uwei u briew u la ïap ha ka jingjia jong ka jingbthei kaba la jia ha Beldanga kaba don ha Murshidabad distrik jong ka West Bengal, kane ka jingjia ka la long na ka jingbthei jong u bom bym pat pynkhuid. Da ka jingdon sa une uwei u briew baroh kiba la ïap ha ka por ba don ki jingïakynad ha kum kane ka por ba don ka ilekshon Panchayat, ki la don 16 ngut, la ïathuh ki pulit.
“Uwei u briew u la ïap na ka jingbthei ha Beldanga katba u dang shna ïa u bom u bym pat pynkhuid. Ïa une u briew la lah ban ithuh. Ngi dang pynlong ïa ka jingtohkit ha kaba ïadei bad ka jingjia,” la ong u heh pulit. Ha kawei pat ka jingjia, la lap ïa ka metïap jong u nongbud jong ka seng BJP (Bharatiya Janata Party) ha Md Bazar kaba don ha Birbhum distrik.
Ka kurim jong u ka dei kaba la ïakhun kum ka kyrtong shimet ha ka ilekshon Panchayat ka ban sa long. Ïa ka ilekshon Panchayat la thmu ban pynlong mynta ka sngi ka 8 tarik, Naitung. Ka jingñiew ïa ki Ballot kan sa long ha ka 11 tarik, Naitung.
