Mumbai, Naitung:
U nongïalam jong ka kynhun u Uddhav Thackeray, u Sanjay Raut ha ka sngi Balang u la ong ba yn sa lah ban bujli briew ha ka shuki Myntri Rangbah jong ka Maharashtra, kumba ka long mynta, la ong ba u Myntri Rangbah jong ka jylla u dei u Eknath Shinde bad ka jingpynkylla kan sa long ha kine ki sngi ban sa wan ha ka por ba u nongïalam jong ka seng NCP u Ajit Pawar bad 8 ngut kiwei pat ki MLA ki la leit ban pynïasoh bad ka sorkar National Democratic Alliance.
“Ïa u Myntri Rangbah jong ka Maharashtra la lah ban kylliang ha kine ki sngi ban sa wan,” u la ong ha ka jingïakren bad ki nongthoh khubor.
Kum shi bynta ban kythoh jur ïa ka sorkar ba la lamkhmat da u Eknath Shinde bad u Devendra Fadnavis, u la ong ba ki la don arngut ki Symbud Myntri bad wat u Myntri Rangbah ka bym dap hynrei kaba don hapdeng ka jingartatien.
U la bynrap shuh shuh da kaba ong ba ka sorkar u Eknath Shinde bad u Devendra Fadnavis kim donkam ïa ka NCP naba ki la bun paid.
