New Delhi, Naitung:
U nongïalam jong ka seng Congress u Rahul Gandhi u la leit ïakynduh ïa u National President jong ka seng Nationalist Congress Party (NCP) u Sharad Pawar ha ka sngi Palei ha ka por ba ka seng ka dang ïakynduh jingeh hadien ba u Ajit Pawar u la ai ka jingkyrshan ïa ka sorkar kaba hap hapoh ka jingïalam jong u Eknath Shinde ha Maharashtra.
U Rahul, ïa uba hashwa u la ai ka jingkyrshan ïa u Myntri Rangbah barim jong ka Maharashtra hadien ka jingïapait jong ka seng NCP na ka jingmih jong u Ajit, u la leit ban ïakynduh ïa u ha ka ïingsah jong u.
U Ajit bad kiba bun kiwei pat ki la bam smai kum u Symbud Myntri Rangbah jong ka Maharashtra bad kum ki Myntri haba ki la leit ban ai jingkyrshan ïa ka sorkar kaba hap hapoh ka jingïalam jong u Eknath Shinde ha ka sngi U Blei.
