Shillong, Naitung 07:
Hynriew tylli ki kynhun ïalehkai ki la jam sha ka final ha ka lympung ïalehkai Subroto Mukherjee Cup Football Tournament 2023 ba la pynïaid da ka shlem treikam District Sports Officer (DSO) East Jaiñtia Hills.
Kine ki kynthup ïa ka Lotus Secondary School bad ka Khliehriat HSS ha ka Under-17 (khynnah kynthei), ka K.B. Memorial SS bad ka Cheihruphi SS ha ka Under-14, ka Rymbai Presbyterian SS bad ka Wapung HSS ha ka Under-17 (khynnah shynrang). Kine ki kynhun kin pynkhreh ban ïakhun ïa ka final ha ka Sngi Saitjaiñ ha madan Deinchynrum kaba ha Khliehriat na ka bynta ban ïaknieh ïa ka nam lahduh.
