Mairang, Naitung 09:
Ka Eastern West Khasi Hills District Badminton Association (EWKHDBA) ka la pynhap pyrda noh ïa ka 3rd District Open cum Inter School Badminton Tournament 2023 ba la pynlong lai sngi lynter. Ka Mairang Presbyterian English Secondary School ka la ïoh rah ïa ka nam Best Team Event ha ka liang ki shynrang bad ka Khatsaw-phra Higher Secondary school ha ka liang ki kynthei.
Haba phai ha ka liang ki shynrang, ïa ka kyrdan ba ar la ïoh da ka Mairang Vidyajyat Inclusive Secondary School bad ha ka liang jong ki kynthei pat ïa ka kyrdan kaba ar, la ïoh da ka Mairang Presby-terian English Secondary School.
Shuh shuh haba phai sha kiwei ki kyrdan pat jong katei ka lympung kaba la pynlong ha Indoor Sta-dium Mairang Mission, ha ka jingïalehkai ha ka U-13 Boys Single ïa ka nam lahduh la ïoh ban khur da u Mewanbhalang Pathaw, ha ka U-13 Girls Single pat la ïoh ban khur da ka Dolcy Doreen Basaiawmoit.
Ha ka Under-13 boys double pat ïa ka nam jop la ïoh ban khur da u Venial Mardon Kharjana bad u Mewan-bhalang Pathaw, katba ha ka liang ki kynthei la ïoh ban khur da ka Dolcy Doreen Basaiawmoit bad ka Dafeen Lyngdoh Mawlong.
Haba phai sha ka kyrdan Under-16 boys Single, ïa ka nam jop la ïoh ban khur da u Jovial Meborn Kharjana, katba ha ka liang ki kynthei la ïoh ban khur da ka Tolylyne Basaiawmoit.
Ha ka Under-16 boys Double pat ïa ka nam jop la ïoh ban khur da u Mewanhiar Nongsiej bad u Nathaniel Nongrum kat ba ha ka liang ki kynthei ïa kane ka nam jop Double la ïoh ban khur da ka Talylyne Basaiawmoit bad ka Bakordor Nongrum.
Haba phai pat sha ka Under-19 Boys Single, ïa ka nam jop la ïoh ban khur da u Alfredy Kharbuli katba ha ka liang ki kynthei la ïoh ban khur da ka Caitlyne Basaiawmoit.
Ha ka Under-19 boys double pat ïa ka nam jop la ïoh ban khur da u Stephen Kharsyiem bad u Nangkiewshaphrang Thabah katba ha ka liang ki kynthei la ïoh ban khur da ka Caitlyne Basaiaw-moit bad ka Deishisha Thabah.
Ha katei ka sngi pynhap pyrda ïa ka lympung ïalehkai Badminton, u Bah Kotbor Warjri u la long u kongsan ha ka jingdon lang ruh u Bah Manbhabok Kharraswai kum u symbud kongsan lem bad ka jingdonlang u Syiem jong ka Hima Nongkhlaw u Paiem PM Syiem, Vice Principal jong ka Khatsawphra College and Higher Secondary School bad kiwei kiwei kiba la sam ruh ïa ki khusnam.
