New Delhi, Naitung:
Ka Commission of Railway Safety (CRS), hadien ba ka la ithuh shaiba ki jingeh kiba mih na ka jingai ïa ki dak (Signal) ka la long kaba kongsan tam hadien ba la lap na ka jingjia bashyrkhei kaba dang jia shen ha Balasorekaba don ha Odisha, ka la wan ha ka bynta ban ai jingmut ïa ka Railway Board ha ka jingphah jong ka ïa ka kai phot halor ka jingjia.
Ka CRS ka la ong ba ka tnat Railways ka la dei ban pyntikna na ka bynta ban pynsted ïa ki rukom pyntreikam bad ban ai jubab kloi katba lah lada jia kum kine ki jingjia.
Ka la shah bthah ba ka la dei ban pynlong ïa ki jingpyntreikam ban khmih bniah ïa ki jingbuh ne ki jingai dak kiba dei ban pynmlien na ka bynta ban pyntyllun ïa ki rukom pyntreikam.
Ka Ministry of Railways ka la bthah ïa ka CRS, kaba dei ka kynhun kaba ïaid katkum ka aiñ jong ka sorkar, ba ka la dei ban pynlong ïa ka jingtohkit kaba bniah ha kaba ïadei bad ka jingjia kaba la jia ha Balasorena ka jingïatakhuh jong ki rel kaba la jia ha ka 2 tarik, Jylliew.
Ka kaiphot ba la phah da ka CRS, ïa kaba la phah dang shen sha ka tnatbadei khmih, kam shym la ong ne kren ba ka jingjia kaba la jia ha Balasore ym tang ba ka dei na ka jingbakla ban buh ki jingai dak hynrei ka la bthah ïa ka tnat Railways ba ka la dei ban pyntikna ha ka ban pynkylla ïa ki rukom pyntreikam ha ryngkat ka jingdonlang jong u heh badei khmih.
