New Delhi, Naitung:
Ka rukom pyntreikam na ka bynta ban thung ïa ki nongkitkam kiba thymmai ha ka jaka treikam jong ka seng BJP ha Delhi ka dang ïai bteng bad ïa ki kyrteng jong kine ki nongkitkam shen yn sa pynbna hashwa ban kut une u bnai ba mynta, la ong ki nongïalam jong ka seng.
Ka jingthung ïa ki Vice President, ki General Secretary, ki Secretary bad kiwei pat ki nongkitkam ha ki kam bapher bapher jong ka seng kumjuh ki heh nongïalam jong ki Morcha bapher bapher ka la long naduh ba u Virendra Sachdeva u la shimti ïa ka kamba un long u President jong ka seng ha ka jylla ha u bnai Lber jong une u snem. “Ka jingpyntreikam na ka bynta ban thaw ïa ka kynhun kaba thymmai ka la sdang ban sahteng namar ka jingdon jong ka jingïalap paidbah jong ka seng BJP ha Delhi ha u bnai Jylliew. Mynta, ka la poi ka por. Ïa ka kynhun kaba thymmai yn sa pynbna ha lane haba ku tjong u bnai Naitung,” la ong u heh nongïalam jong ka seng. Hashwa ban thungkam ïa ki nongkitkam, yn sa pynbna ïa ki kyrteng jong ki President ha ki 14 tylli ki distrik, u la ong shuh shuh.
