Kolkata, Naitung:
Ka seng Trinamool Congress (TMC) hynnin ka sngi ka la pynbna ïa ka kyrteng jong u nongaiktien jong ka seng ha ka ri u Saket Gokhale lem bad san ngut kiwei pat ba kin long ki kyrtong ka seng na ka bynta ka jingïakhun ïa ka ilekshon Rajya Sabha.
Shuh shuh nalor u Gokhale, u MP jong ka seng TMC ha Rajya Sabha u Derek O’Brien, ki MP kiba kynthup ïa u Dola Sen bad u Sukhendu Sekhar Ray, bad ki dkhot jong ka seng TMC u Samirul Islam bad u Prakash Chik Baraik ki la shah pynpaw kyrteng ha ka seng ba la lamkhmat da ka Mamata Banerjee.
Katba na ka bynta u O’Brien, u Sen bad u Ray ki la dei ban bteng ïa ka samoi treikam, ka la long ka sien kaba nyngkong na ka bynta u Gokhale ha kaba u la shah pynmih kyrteng na ka bynta ban long u kyrtong ka ilekshon Rajya Sabha.
Ha ryngkat u Gokhale, sa arngut kiwei pat ki kyrtong kiba dang thmmai ki kynthup ïa u Islam, uba long u President ka Bangla Sanskriti Mancha bad u Baraik, uba long u President jong ka seng ha Alipurduar distrik.
