New Delhi, Naitung:
Kum shi bynta ban khmih bniah halor ki jingmudui kiba ïadei bad ka jingpynibor halor ka jingsloit noh ïa ka Article 370 ha Jammu & Kashmir bad ka jingphiah ïa ka jylla sha ki ar tylli ki Union Territory, hadien lai snem, ka Supreme Court mynta ka la rai ban bishar bniah halor ki jingmudui na kawei ka sngi sha kawei pat naduh ka 2 tarik, Nailar.
“Ka jingbishar bniah halor ki jingmudui ba la buh hakhmat jong ka Constitution Bench kan sa sdang ha ka 2 tarik, Nailar, ha ka por 10:30 mynstep, bad nangne yn sa ïaid shakhmat ha ka ban bishar bniah na kawei sha kawei pat ka sngi, ïa kaba la buh ha ki sngi jong ka lah sngi U Blei bad ka sngi Thohdieng,” la ong u Chief Justice of India u DY Chandrachud.
Kiwei pat ki dkhot jong ka kynhun nongbishar ki kynthup ïa u Justice Sanjay Kishan Kaul, Justice Sanjiv Khanna, Justice BR Gavai bad Justice Surya Kant.
Ïa ka Article 370 la pyndam noh ha u Nailar jong u snem 2019 halor kiba bun ki rai ha kaba hadien kane ka Parliament ka la pdiang ïa ka Jammu and Kashmir Reorgani-sation Act ban phiah ïa ka jylla.
