Chennai, Naitung:
Ka dkhot jong ka ïingdorbar ka Kanimozhi Karunanidhi ka la aiti ïa ki dulir jaka bym donkam siew sha ki longïing jong 73 ngut ki briew baduk kiba don jingduna dkhot met bad kumjuh sha 17 ngut ki briew kiba don ka jinglong kynthei bad shynrang ha K Sundaresapuram kaba don hajan Vilathikulam ha ki khyndiat sngi ba la leit ha ryngkat ka jingdonlang jong ka Myntri ka Social Welfare and Women Empowerment ka Geetha Jeevan.
Ki dulir ki dei kiba don ïa ki dor jaka kiba T. 22.5 lak. Ïa kine ki nongïoh myntoi la jied na ka thup kyrteng ba la buh jingkyrpad ïa kiba la phah ha ki ar snem ba la leit. Ïa kine ki jaka la pynkhuid shwa bad buh ïa u mawnongrim bad hadien kane la sam pat ïa ki dulir.
Ha kaba ïadei bad kane ka bynta, na ka liang ka Kanimozhi ka la kular ba kan shim ïa ki sienjam na ka bynta ban pynshna ïing na ka bynta jong ki hapoh ka jingtreikam jong ka skhim PMAY, ban shna ïa ki surok, ki nala hapoh ka jingpyntreikam ïa ka MGNREGA, ban pynbiang um hapoh ka jingtreikam jong ka Jal Jeevan Mission, bad ban buh ïa ki Street Light da kaba yn pyndonkam da ka pisa jong ka Panchayat ha ka thaiñ.
