Bengaluru, Naitung:
Ka Municipal Corporation kan sa thung ïa ki ophisar na ka bynta ban khmih bniah ha kaba ïadei bad ki rukom long jong ki jingbam ba la buh ha ki Indira Canteen, la ong u Chief Commissioner jong ka Bruhat Bengaluru Mahanagara Palike (BBMP) u Tushar Girinath. Nangta u la bynrap shuh shuh da kaba ong ba ïa ka Helpline ruh yn sa buh na ka bynta ki nongshong shnong khnang ba kin ïohlad na ka bynta ban buh ki jingmudui jong ki shaphang ki rukom pyntreikam na ka bynta ka jingpynbiang ïa ki jingbam ha kane ka jaka bam.
Kumba la ïathuh u Girinath, ka ong ba ïa ki hukum la buh hadien ka jingleit jurip jong u Symbud Myntri Rangbah u DK Shivakumar.
“U Symbud Myntri Rangbah u la ai ïa kumba katto katne ki jingai jingmut hadien ba u la dep ban jurip bniah ïa ki Indira Canteen. Kumba la pynbeit, la ong ba ïa uwei u ophisar yn sa buh ban khmih bniah na ka bynta kawei ka Indira Canteen ha ka nongbah. Ïa ki heh ba dei khmih yn sa buh na ka bynta ka jingleit jurip bniah jong ki ïa ki jaka bam. Kine kin sa mad ïa ki jingbam bad ban phah ïa ka kaiphot halor kane bad ka Civic Body kan sa shim ki sienjam kumba dei rukom khnang ban nang pynbha ïa ki jngtreikam,” u la ong.
