Mumbai, Naitung:
U Sharad Pawar u la ïai ban da kaba ong ba ka jingpyrshah jong u ïa ka seng BJP khyndiat kynta hadien ba u pyrsa u Ajit Pawar bad ki MLA pyrshah seng ki la rung ha ka jingïalang kaba ha Mumbai ha ka sngi U Blei khlem shah khot bad ki la pan ka jingkyrkhu na u.
Ha ka jingai jingkren sha ki nongbud jong ka kynhun ki samla jong ka seng Nationalist Congress Party (NCP) ha YB Chavan Centre, u Pawar u la pynshai da kaba ong ba um lah ban kyrshan ïa ka seng BJP bad ba un ïai bteng bad ki kam saiñ pyrthei hapoh ka seng.
U Sharad Pawar, uba la 82 snem ka rta u la shah ktah jur na ka jingpyrshah jong u pyrsa jong u, bad ong ba ka rai jong u ka dei kaba u la pyrkhat bha.
Kane ka jingkren ka la long khyndiat kynta hadien ba u Ajit Pawar bad ki MLA jong ka seng NCP, kiba la leit ban pynïasoh bad ka sorkar BJP-Shiv Sena ba la lamkmat da u Eknath Shinde ha ka 2 tarik, Naitung, ha kaba la kyrpad ïa u Sharad Pawar ba un pyrkhat bha ha kaba ïadei bad ka jingïatreilang bad ka seng.
Ka seng NCP ka la pait noh hadien ba u Ajit Pawar u la pyrshah jur ïa u kñi jong u.
Ka jingïakynduh hapdeng u Sharad Pawar bad ka kynhun u Ajit Pawar ka la long ha ka sien kaba nyngkong hadien ba u la pynibor pyrshah ïa u kñi jong u ha ki ar taïew ba la leit.
