New Delhi, Naitung:
Ka sorkar ha ka sngi Balang ka la ong ba ka long kaba la khreh na ka bynta ban ïakren bad ïamir jingmut ha kaba ïadei bad ki jinglong jingman kiba mih ha Manipur hapoh Parliament ha ka dorbar Lyiur, kum shi bynta ban pdiang ïa ka jingdawa jong ka liang pyrshah. Ha ka jing-ai jingkren sha ki nongthoh khubor hadien ka jingïalang bad baroh ki seng ba la pynlong da ka sorkar hashwa ban pynlong ïa ka dorbar, u Myntri ka Parliamentary Affairs u Pralhad Joshi u la ong ba ka sorkar ka la long kaba la khreh na ka bynta ban ïakren bad ïaphylliew jingmut ha kaba ïadei bad ki jinglong jingman hapoh Manipur hapoh Parliament.
Ha kaba ïadei bad kane, u la kyntait halor ka jingpynshisha jong ka seng Congress bad kiwei pat ki seng ka liang pyrshah kiba la ong ba ki la dawa na u Myntri Rangbahduh u Narendra Modi ba un kren ha kaba ïadei bad ki jingïakynad ba la jia ha Manipur ha Parliament, ha kaba la pynshisha ba ka liang pyrshah, da kaba dawa ïa ka jubab na u Myntri Rangbahduh, ka la ong ba ka thmu ban wanrah ki kynrum kynram ha kaba ïadei bad ka dorbar ha baroh ar tylli ki ïingdorbar.
