Raipur, Naitung:
Ki la don arjur ki lehnoh Maoist kiba la leit ban pyndem ïalade hakhmat ka kynhun ba la ïatreilang hapdeng ka kynhun jong ki heh pulit ha Dantewada distrik jong ka thaiñ Bastar, la ïathuh ki pulit.
Kine baroh saw ngut ki la shah thong mar T. 20 lak ha ka khlieh jong ki, la ong ka jingthoh ba la phah da u Superintendent of Police (SP) jong ka Dantewada u Gaurav Rai.
U Rai u la ïathuh ba ïa kine ki saw ngut la tip kyrteng kum u Chhotu Mandavi, uba long u Section Commander jong ka Battalion Number 1 Technical Team, ka kurim jong u ka Lakhme Kunjan, kaba don bynta bad ka South Sub Zonal Bureau, bad u Kosa Mandavi, uba long u Deputy Commander bad ka kurim jong u ka Aayte Midiyami.
Ka jingthoh kaba la wan na ki pulit, la ong ba kine ki saw ngut ki lehnoh Maoist ki la rai ban leit pyndem ïalade na ka jingdon ka jingpyntreikam jong ki pulit ïa ka “Rehabilitation Policy” jong ka sorkar Chhattisgarh bad ka ‘Come back home Campaign’ jong ki pulit ka distrik ha ka Lah Sngi U Blei.
Kine ki saw ngut ki la leit ban pyndem ha ka por ba donlang u SP jong ka Dantewada, u Deputy Inspector General (DIG) jong ka Dantewada u Kamlochan Kashyap bad u DIG jong ka Central Reserve Police Force u Vikas Kataria.
