Bhopal, Naitung:
Ka seng Bharatiya Janata Party (BJP) ka la thmu ban pynlong da ka jingïalang ba la tip kum ka ‘Vijay Sankalp Abhiyan’, na ka jingdon jong ka ilekshon Assembly ha Madhya Pradesh, ka ban sa long kham hadien jong une u snem. Kane ka rai ka la long hadien ba u Myntri ka sorkar kmie uba dei khmih ïa ka tnat ki kam pohïing u Amit Shah u la dep ban pynlong ïa ka jingïalang jong ka seng ha Bhopal ha ka miet jong ka sngi Ba-ar kaba la long ha ka taïew ba la dep.
U Shah u la leit sha Bhopal ha ka janmiet jong ka sngi Ba-ar na ka bynta ban leit ïashim bynta ha ka jingïalang. Ha ka nongbah, u Myntri u la ïakren halor ki jinglong jingman ha ka kam saiñ pyrthei ha Madhya Pradesh bad la ïakren ruh halor ki mat ban pyntreikam na ka bynta ka ilekshon. U la kren sani bha ha kaba ïadei bad ki jingpynkhreh jong ka seng na ka bynta ka ilekshon bad ban wanrah ïa kiba bun ki jingthmu na ka bynta kane, la ong u VK Sharma uba long u President jong ka seng BJP ha Madhya Pradesh.
U Sharma u la ong, “Hashwa ka ilekshon Assembly, u Shah u la pynbna ban pynlong ïa ka ‘Vijay Sankalp Abhiyan’ na Madhya Pradesh hadien ba la dep ban ïakren halor ka bynta jong ki jingpynkhreh na ka bynta ka ilekshon.”
