New Delhi, Naitung:
Ka kynhun National Democratic Alliance (NDA) kan sa ïohmad ïa ka jingjop ha ki 330 tylli ki Lok Sabha konstitwensi ha kylleng ka ri, la ong u General Secretary jong ka seng AIADMK u Edappadi K Palaniswami. Ha ka jingïakren bad ki nongthoh khubor ha kine ki khyndiat sngi ba la leit, u Palaniswami u la ong ba ka ri ka la sakhi ïa ka jingkiew hapoh ka jingïalam jong u Myntri Rangbahduh ka ri u Narendra Modi wat lada ki la don ki jingshah ktah jur na ka jingwan lynshop jong ka khlam Coronavirus.
Ka kynhun NDA kaba la lamkhmat ïa ka sorkar kmie ka la lah ban pynbiang ïa ki jingdonkam jong ki samla bad khlem artatien kane ka kynhun kan sa lah ban jop ha ki 330 tylli ki Lok Sabha konstitwensi ha ka ilekshon Lok Sabha 2024, u la ong.
