Lucknow, Naitung:
Naba u sohsaw u la kiew dor shaba palat bad ktah jur ïa ki briew, ka Myntri jong ka Uttar Pradesh ka Pratibha Shukla ka la ong ba lada don ki bym thied shuh ïa u un sa hiar dor. Ka la ong ba ka jingduna dor jong u sohsaw kan sa long tang lada ki briew ki sangeh ban thied ïa u.
“Lada ym don shuh ki ban thied ïa u, hangta un sa hiar dor,” la ong ka Myntri. Ka la ong ba u sohsaw u la kiew dor bha ha kane ka aïom, ha kaba ka la bynrap shuh shuh da kaba ong ba lada kwah ban pynhiar dor ïa u ki briew ki la dei ban thung hi ha ki khiew. Ki briew ha nongkyndong ki ju thung hi ïa ki jhur ha ki kper bad nangne kin sa lah ban nang pynmih bad pynsan ïa bun jait ki jingthung. Ka jingkiewdor kynsan jong u sohsaw ka la ktah shibun ïa ki Million tylli ki longïing kiba don ha kylleng ka ri.
