Hukum u Fadnavis ïa ka kynhun ED ban tohkit halor ka kam bamsap ha ka tnat pule-puthi

Mumbai, Naitung:

U Myntri ka tnat  pohïing jong ka jylla Maharashtra u Devendra Fadnavis, ha ka jingbuh hukum kaba nyngkong, u la ong ba ka kynhun Enforcement Directorate (ED) kan sa pynlong ïa ka jingtohkit ha kaba ïadei bad ka jingdon ka kam bamsap ha ka tnat pule-puthi ha Nashik.

Kane ka jingpyntreikam ka la long hadien ka jingïoh jingmut na u Myntri Rangbah barim u Prithviraj Chavan ba ki kynhun tohkit kum ka ED la dei ban wanrah na ka bynta ban pynkhuid noh ïa ki kam bamsap naduh tyllong ha ka tnat pule-puthi.

U Chavan u la ai jingmut da kaba ong ba ka kynhun ED ka la dei ban pynlong ïa ka jingtohkit halor ka jingdon jong ka jingkamai spah beaiñ naba ka la paw ba kam shym don ka jingpyntreikam katkum ki kyndon hapoh ka tnat pule-puthi. Kumba la ïathuh kawei na ki tyllong khubor, la ong ba ka Sunita Dhanagar, kaba long ka heh ophisar jong ka tnat pule-puthi, ka la shah bat ha ka kynhun Anti-Corruption Bureau (ACB) Nashik katba ka dang pdiang ïa ka pisa ba la dawa kaba T. 55,000.

Kane ka la pan ïa kane ka pisa na u Principal uba la shah weng kam ïa uba katkum ka jingïathuh jong ka ïingbishar la ong ba u la kwah ban don biang ha ka kam.

Hynrei naba ki heh nongpynïaid skul kim shym la mynjur ïa kane, u Principal u la leit sha ka Dhanagar ban leit ud bad buh jingkyrpad hakhmat jong ka.