Mumbai, Nailar:
U President jong ka seng Shiv Sena (UBT) u Uddhav Thackeray u la ong ba katkum ka jingïohi lypa bad ka jingithuh jong u la ong ba u snem 2024 un sa long u snem u ban wanrah ka jingkylla ha India. Ha kaba ïadei bad kane, u la kynthoh jur ïa ka seng BJP bad u la pynpaw ka jingsngewkhia ha kaba ïadei bad ki jinglong jingman ha Manipur.
U Thackeray u la wer ïa baroh ba la dei ban don ka jingkitkhlieh ha kaba ïadei bad ka jingthep vote ka ban long ha u snem ban sa wan. Ha kaba ïadei bad kane, u Thackeray u la ong ba ha u snem 2024 kane sa don ka jingkylla ha ka ri bad kumjuh ka jingkut jong ka jingsdang. Kum shi bynta ban pynpaw ïa ka jingsngewskhem ba ka seng jong u kan sa ïoh biang ïa ka kyrteng kaba la seng naduh basdang, ka Shiv Sena, hadien ba ka Supreme Court ka la bishar bniah halor kane ka bynta, u Myntri Rangbah barim u la ong ba ha ka jaka ban don bun ki nongkhaïi yn sa donkam kham bun ki briew kiba lui lui ban pynkhieim ïa ka seng jong u.
U Thackeray u la ïanujor ïa ki nongkhaïi ba ki la long kum ki tham kiba ju khap bad ki bym shym la ailad satia ïa ki para dkhot ba kin kiew ne poi shajrong.
