Hyderabad, Nailar:
Haduh ba la thoh ïa ka khubor la ong ba ki la don kumba 18 ngut ki briew kiba la ïap na ki jingjia kiba la mih na ka jinghap jong u slap uba jur ha kaba ka la ktah jur ïa ka jylla ha ka taïew ba la dep.
Ka kynhun Inter-Ministerial Central Team (IMCT) ka la leit ban jurip bniah sha kiba bun ki thaiñ kiba la shah ktah jur na ka jinghap jong u slap. Ïa kane ka kynhun la lamkhmt da u Advisor jong ka National Disaster Management Authority (NDMA) u Kunal Satyarthi bad ka la kynthup ruh ïa ki nongmihkhmat jong ki tnat bapher bapher, kynthup jong ka tnat Agriculture, Finance, Jal Shakti, Power, Road Transport and Highways bad National Remote Sensing Centre (NRSC).
Kumba la sakhi, la ong ba ka jinghap jong u slap ka la long ruh ha ki katto katne ki bynta, ki heh ba dei khmih ki la ong ba ka jingpyllait im bad ka jingai jingïarap sha ki lanot ka la ïaid shakhmat ha ki thaiñ kiba la shah ktah jur.
Ka sorkar jylla ka la buh ïa ki jaka sah ba shipor na ka bynta ki lanot kiba la shah ktah na ka jingshlei um bad ki bym don jaka sah shuh.
