New Delhi, Nailar:
U President barim jong ka Congress u Rahul Gandhi u la leit jngoh ïa ka Azadpur Mandi kaba don ha Delhi ha ka por bym shym poi pyrkat kaba la long ha ka por 4 baje mynstep jong ka Sngi Ba-ar ban leit twad jingmut ha kaba ïadei bad ki dor jong ki jhur bad ki soh.
Ha katei ka jingleit jong u, u la ïakren bad ïaphylliew jingmut bad ki nongdie jhur bad kumjuh bad ki nongkhaïi, bad u la wad bniah halor ki dor jong ki jait mar ba bun. Kane ka jingleit jurip jong u Rahul ka long shi bynta na ka jingthmu jong u ban leit jngoh ïa ki riewpaidbah sha kylleng ki jaka, kynthup ïa ki nongñiah kali, ki nongrep bad ki Mechanic.
Kumba la ïathuh, la ong ba ha ka 8 tarik, Naitung, u Gandhi u la leit jngoh ïa ka shnong Madina kaba don ha Sonipat ha Haryana. Ha kane ka shnong u la pynlut ïa ka por bad ki nongrep, u la ïatreilang bad ki ha ki lyngkha, u la ïashim bynta ha ka ban ot kba bad ñiah ruh ïa ki traktor.
