Patna, Nailar:
Ha ka por ba dang don ka jingkhmih lynti halor ka jingthmu ïakhun ilekshon jong u Myntri Rangbah jong ka Bihar u Nitish Kumar ha ka ilekshon Lok Sabha 2024 na Uttar Pradesh, u nongïalam jong ka liang pyrshah ha Bihar Assembly u Vijay Kumar Sinha hynnin ka sngi u la pynshisha da kaba ong ba u Nitish u lah ban shah rem ha ka ilekshon Lok Sabha la ka long na kano kano ka jaka ba un ïakhun ïa ka ilekshon.
U Sinha u la ong ba u Nitish u duna bha ka jingïoh jingkyrshan na ka bynta ka jingïakhun ïa ka ilekshon na kano kano ka Lok Sabha konstitwensi jong ka Bihar, ha kaba u la kob ïa u ba un ïakhun ïa ka ilekshon na ka Nalanda Lok Sabha konstitwensi. U Nitish un sa shah rem kput ha ka ilekshon, u la ong. U Sinha u la ong shuh shuh ba ki nongbud jong ka seng BJP kin sa wanrah ïa ka sorkar synrop kaba heh bha hakhmat ki paidbah.
