Chandigarh, Nailar:
U Myntri Rangbah jong ka Punjab u Bhagwant Mann ha kine ki khyndiat sngi ba la leit, u la ong ba ka jingpynrung kyrteng ïa ki Drone ka la dei ban don noh khnang ban lah khmih bniah ha kaba ïadei bad ka jingdon jong ki kam khaïi drok bad ki tiar siat na ki bynta khappud. Nangta, u la ban jur ruh da kaba ong ba ki la don bun tylli ki jingjia ha kaba la shem ba ki Drone ki la leit sha Pakistan na ki distrik kiba don ha ki bynta khappud bad wan phai da ki song ba la pynkit ha ki.
Kumba la pynrung kyrteng ïa ki kali, ïa ki Drone ruh la dei ban ïaid da kajuh ka rukom khnang ban lah ban khmih bniah ha kaba ïadei bad ki jingjur jong ki kam khaïi drok, u la ong ha ka jingïakren bad ki nongthoh khubor.
U Mann hashwa ruh u la ong ïa ka sorkar kmie ba ka la dei ban pyntikna ha kaba ïadei bad ka jingphah pynrung kyrteng ïa ki Drone.
U la ong ba lada la pynrung kyrteng ïa kine ki Drone kan long kaba suk ha ka ban tip bniah shaphang ki trai jong ki.
