Chennai, Nailar:
Kum shi bynta ban kdew ba ka sorkar Karnataka kam burom ïa ka hukum jong ka Supreme Court (SC) ban pyllait ïa ka um na ka wah Cauvery sha Tamil Nadu bad ba kam shym bud ïa ki hukum jong ka Cauvery Water Management Authority (CWMA) ha kaba ïadei bad kane, u Myntri Rangbah ha ka sngi Thohdieng u la dawa da ka jingtuklar jong u Myntri Rangbah duh u Narendra Modi.
“Ka SC ka lah dep ban hukum ba la dei ban phah ïa ka um sha Tamil Nadu ha Billigundulu, kumba ka dei ban long ne buh ha ka shisien shi bnai. Hynrei kaba sngewphylla ka long ba ka Karnataka kam shym la burom ïa ka hukum kaba la long lyngba ka shithi bad ka jingkyrpad bad ba kam shym la patiaw eiei ïa ki hukum jong ka CWMA. Ha u snem 2023-2024 uba long u snem jong ka jingpyllait um, ka Karnataka ka la pyllait tang kumba 11.6 tmc ka um, kaba long pyrshah ïa ka 40.4 tmc kaba dei ban long ha Billigundulu naduh ka 1 tarik, Jylliew haduh ka 3 tarik, Naitung. Kaba kum kane ka rukom pynduna um kaba 28.8 tmc ka dei ka jingïakut bad ka Tamil Nadu, wat lada ka Karnataka ka lah ban pyllang um da 91 tmc ha ki saw tylli ki jaka den um kiba heh jong ka kiba long baroh da 214.6 tmc,” la batai u Myntri Rangbah lyngba ka shithi kaba u la phah sha u Myntri Rangbah duh.
