Mysuru, Nailar:
Ka Irrigation Department ka la pynsangeh ha kaba ïadei bad ka jingpyllait um na KRS bad na ki jaka den um ka Kabini na ka bynta ka jingpynpoi um sha ki thaiñ ba ju pynpoi um bad ha ka jaka kane la pynpoi pat sha Tamil Nadu. Kum shi bynta ban pynpaw ka jingbitar halor kane, ki nongrep jong kine ki thaiñ ba ju ïoh um, na baroh ar tylli kine ki jaka pyllang um ki la ong ba ka rai halor kane ka long kum shi bynta ban pyrshah halor ki jingïoh jingmyntoi jong ki.
Ki heh ba dei khmih ki la pyllait ïa ka um kaba 5,356 Cusec sha ka wah naba ka KRS Reservoir ka ju ïoh um da kumba 5,270 cusec. Kane ka jaka pyllang um mynta ka don da kumba 35.235 tmcft ka um ha kaba ka la long pyrshah ïa ka 46 tmcft kumba ka don ha kum kane ka por ha u snem ba la lah.
Ha ka taïew ba la lah, u Myntri Rangbah jong ka Tamil Nadu u MK Stalin u la kynnoh ba ka sorkar Karnataka kam burom ïa ka hukum jong ka Supreme Court (SC) ban pyllait ïa ka um na ka wah Cauvery sha Tamil Nadu bad ba kam shym bud ïa ki hukum jong ka Cauvery Water Management Authority (CWMA) ha kaba ïadei bad kane, ha kaba ïadei bad kane u la dawa da ka jingtuklar jong u Myntri Rangbah duh u Narendra Modi.
