New Delhi, Nailar:
U Myntri jong ka sorkar kmie uba dei khmih ïa ka tnat ki kam pohïing u Amit Shah u la ong ba ka sorkar ka la long kaba la khreh na ka bynta ban ïakren ïa ki mat ba ïadei bad ka Manipur ha ka 11 tarik, Nailar bad pynshisha da kaba ong ba ka dei ka liang pyrshah kaba ïaid lait na kata. Ka 11 tarik, Nailar kan dei ka sngi kaba khatduh jong ka jingpynlong ïa ka dorbar Lyiur.
U Myntri ka tnat ki kam pohïing u la ong ba u la long uba la khreh na ka bynta ban ai ïa ki jubab halor baroh ki jingkylli jong ki dkhot ka ïingdorbar. U Shah u la ong ba ka liang pyrshah ka la dawa ba la dei ban ïakren hapoh ka Rule 267. U Shah u la kyntait ban kren halor kane ka mat wat lada u dkhot na ka liang pyrshah u la dawa ba la dei ban ïakren halor ka Manipur ha kaba la dep ban pynbeit ba ym dei ban ïakren halor kino kino ki mat ha ki lai sngi ba la buh kaba long naduh ka 8, 9 bad 10 tarik, naba ka Congress ka la wanrah da ka No-Confidence Motion ha Lok Sabha ha kaba yn ïakren ha kine ki sngi. Ka jingïakren halor ka mat ba la buh la ong ba yn sa ïakren ha ka 11 tarik.
