New Delhi, Nailar:
U Myntri Rangbah jong ka Delhi u Arvind Kejriwal u la pynpaw ïa ka jingsngewnguh ïa u heh nongïalam jong ka seng Congress ha ka ri u Mallikarjun Kharge bad ïa u MP u Rahul Gandhi halor ka jingai jingkyrshan jong ki ban pyrshah bad ai jingkyrshan halor ka jingpyrshah ïa ka GNCTD (Amendment) Bill, 2023.
Ha ka shithi ba la phah sha ki nongïalam jong ka seng Congress, u Kejriwal u la pynpaw ka jingsngewnguh ha ka kyrteng jong ki 2 klur ngut ki nongshong shnong jong ka nongbah. Ïa ka shithi la pruid dur da u nongai jingmut jong ka seng Aam Aadmi Party (AAP), kum shi bynta ban pynpaw ïa ka jingsngewnguh jong u halor kane ka kam ba ratbah ba la leh da ka seng Congress ha ka ban pyrshah ïa kane ka aiñ kaba pynkulmar jingmut bad buh ha ka jingartatien.
