Mumbai, Nailar:
Ki la don kumba 33 tylli ki karkhana tylliat kba kiba don ha Gondia distrik ha Maharashtra kiba la shah ñiew be-aiñ na ka bynta ki lai snem ban wan naba u khaw ba la phah da kine la shem ba um bha bad um long kiba bit na ka bynta ki briew ba kin bam ïa u, la ïathuh ki heh ba dei khmih.
Kumba la ïathuh ki heh jong ka Food Corporation of India, ha ka por ba ka la don ka jingkhmih bniah da ka kynhun FCI, u khaw na kine ki karkhana ba la phah da ka Beed, Nandurbar, Latur bad kiwei pat ki distrik ha u snem ba la lah hapoh ka Public Distribution System (PDS) la shem ba um long uba bha. Ka kynhun ka la phah da ka kaiphot sha u Collector jong ka Gondia u Chinmay Gotmare.
U Gomtare u la ong ba kine ki karkhana ki la shah bthah ba ki la dei ban pynbiang da u khaw uba bha ha ki hynriew taïew ban wan, lem kumta kin sa ngat ha ki jingshah pynshitom katkum ki kyndon.
