Bhubaneswar, Nailar:
Ka sorkar jylla ha kine ki khyndiat sngi ba la leit ka la pynrung shuh shuh sa kumba 4.13 lak ngut ki nongïoh myntoi hapoh ka jingtreikam jong ka Madhu Babu Pension Yojana (MBPY) hadien ba la pdiang bad mynjur da u Myntri Rangbah u Naveen Patnaik. Da kane ka rai, kiba bun na ki nongïoh myntoi hapoh ka MBPY ki la kiew sha ka 32.75 lak ngut.
Kham ha shwa ki la don kumba 28.61 lak ngut ki nongïoh myntoi kiba la ïoh jingïarap lyngba kane ka skhim. Ki nongïoh myntoi kiba thymmai kin sa ïoh ïa ka bai bam tymmen kaba nyngkong ha ka 15 tarik Nailar, ha ka jingrakhe ïa ka Janaseva Diwas, ha ki jaka treikam jong ka Gram Panchayat ne ha ki Ward Offices ha ryngkat ka jingdonlang jong ki nongmihkhmat kiba la shah jied.
Ka shlem treikam Chief Minister’s Office (CMO) ka la ong ba baroh ki distrik Collector ki la shah bthah ba ki dei ban pyntikna ha ka ban pynïaid beit ïaid ryntih ïa ka jingsiew ïa ka bai bam tymmen sha ki nongïoh myntoi. Ki nongïoh myntoi jong kiba bun ki kynhun haduh kiba 79 snem ka rta ki ïoh ïa ka bai bam tymmen kaba T. 500 shisien shi bnai katba ki nongïoh myntoi kiba naduh ka rta kaba 80 snem shaneng ki ïoh ïa ka bai bam tymmen kaba T. 700 shisien shi bnai.
