Bhopal, Nailar:
Ha shwa ban pynlong ïa ka ilekshon Assembly, ka Kynhun Myntri jong ka Madhya Pradesh ka la pynbna ba ka la dep ban siew ïa ka jingïarap pisa kaba mar T. 6,000 sha ki nongrep kiba dei ban ïoh hapoh ka jingtreikam jong ka Chief Minister’s Kisan Kalyan Yojana na ka bynta u snem jong ka kheiñ ka diah jong u 2023-2024.
Ka Cabinet, ha ka jingïalang jong ka ba la pynïaid da u Myntri Rangbah u Shivraj Singh Chouhan, u la rai ruh ban ai jingmyntoi da ka 7th Pay Commission sha ki Gram Panchayat Secretaries. Kane kan sa donkam shuh na ka bynta ban pynlut ïa ka pisa kaba T. 178.88 klur, la ïathuh u heh sorkar.
Kumba la ïathuh ki heh sorkar, hashwa, la ong ba ha ka 1 tarik, Ïaïong haduh ka 31 tarik, Nailar bad 1 tarik, Nailur haduh 31 tarik, Lber, ïa ka pisa kaba T. 4,000 la siew sha ki nongrep da ar sien siew. Mynta na ka bynta u snem ka kheiñ ka diah jong u 2023-24, ka jingsiew ïa ka pisa sha ki nongrep kan sa long ha ki lai sien siew kaba long T. 2000 naduh ka 1 tarik, Ïaïong haduh ka 31 tarik, Naitung, naduh ka 1 tarik, Nailar haduh ka 30 tarik, Naiwieng, bad naduh ka 1 tarik, Nohprah haduh ka 31 tarik, Lber ka ban long baroh T. 6,000 shi snem, ki la ong.
