New Delhi, Nailar:
U Myntri Rangbah u Arvind Kejriwal ha ka sngi Ba-ar u la ong ba ki la don kumba 150 ngut ki khynnah na ka jylla kaba la shah ktah jur na ka jingïakynad ha Manipur kiba la shah pynrung kyrteng ha ki skul sorkar ha Delhi. Ka jingtrei shitom ka dang bteng mynta na ka bynta ban ai ka jingïarap na ka bynta jong ki ba kin ïoh ban im ka jingim kumba ki dei ban ïoh.
Ha ka jingai jingkren ha ka sngi ba la rakhe ïa ka Independence Day jong ka sorkar ha Chhatrasal Stadium ha New Delhi, u Kejriwal u la pynpaw ka jingsngewsih halor ki jinglong jingman kiba la jia ha Manipur, ha kaba ka jingïakhih ka la neh da bun bnai.
“Ka jingïashoh bad ka jingïabuhshun ka la long ha kylleng ki jaka jong ka ri. Ka long kaei kaei kaba sngew ktah ban pyrkhat shaphang kaei kaba la jia ha Manipur. Mynta ngi la sdang ban treikam, ki la don baroh kumba 150 ngut ki khynnah na Manipur kiba la ïoh rung ha ki skul sorkar ha Delhi khlem da donkam da ki School Leaving Certificate.”Kine ki khynnah ki la ïoh jinghikai bha bad ka jingtrei shitom ka dang bteng ban ïarap ïa ki ha ka ban pynïoh ka jingim kumba ki dei ban im,” u la ong.
