Bengaluru, Nailar:
U Myntri jong ka Infrastructure Development of Karnataka u MB Patil u la ong ba ïa ka jingpyntreikam halor ka umbam-umdih na ka bynta ka Babaleshwara bad ka Tikota ïa kiba dang shen ki la shah kyntiew kum ki Town Panchayat yn sa pyntreikam hadien ba la dep ban khmih bniah na ka bynta ban pynbiang kumba 135 litre ha ka shi sngi ka umbam-umdih na ka bynta man iwei-pa-iwei i nongshong shnong.
U la kren ha ka jingïalang ba la pynlong bad ki heh sorkar jong ki tnat bapher bapher halor ki rukom pyntreikam ban pynïoh ka umbam umdih na ka bynta ka Vijayapura, Baleshwara bad ka Tikota ha Vidhana Soudha.
U Myntri u la ong ba ka jingthmu pyntreikam kaba hashwa na ka bynta ka Babaleshwara bad ka Tikota la thmu ban phah kumba 55 litre ka um ha ka shi sngi na ka bynta ki nongshong shnong naba ki dei ki Village Panchayat. Hynrei, mynta naduh ba ki la shah kyntiew kyrdan kum ki Town Panchayat ka jingthmu ka la donkam ban khmih bniah katkum ki nongbah ne ki jaka sor ha kaba ïadei bad ka jingpynïoh ïa ka umbam-umdih, u la ong. Kane ka jingpyntreikam kan sa ai jingmyntoi shibun ïa ki nongshong shnong khamtam ha ki jaka ba kyrduh um.
