Shillong, Nailar 20
Ka St Anthony’s ka la ïoh rah ïa ka nam lahduh jong ka lympung 29th Inter School & 11th Inter College Karate Tournament 2023, kata ha ka liang ki shynrang napdeng ki skul bad kumjuh ki kolej, katba ka OM Roy Memorial Higher Secondary School ka la ïoh rah nam lahduh ha liang ki kynthei napdeng ki skul.
Ïa kane ka lympung kaba la pynlong ha ka 17 haduh 19 tarik mynta u bnai ha MP Hall, SAI, STC, NEHU, Shillong.
Ha ka liang ki skul, ka St Anthony’s Higher Secondary ha ka liang ki shynrang kaba la rah ïa ka nam Team Champion School katba ka St An-thony’s LP School ka la wan ha ka kyrdan kaba ar.
Ha ka liang ki kynthei pat ka OM Roy Memorial Higher Secondary School ka la rah ïa ka nam Team Champion School katba ka Providence School ka la wan ha ka kyrdan kaba ar.
Ha ka liang ki kolej, ka St Anthony’s College ka la long ka Team Cham-pion katba ka Shillong College ka la wan ha ka kyrdan kaba ar.
Ha kane ka lympung ïa ka nam Best Karateka (Boys Junior) la ïoh da u Darren R Warjri jong ka skul Christian Academy Higher Secondary, ïa ka nam Best Karateka (Boys Senior) la ïoh rah da u Paul Danny Kharmudai jong ka Providence School.
Ïa ka nam Best Kara-teka (Girls Junior) la ïoh rah da ka Xenia Rose Nongsiej jong ka St Joseph’s Higher Secondary School, Pynthorumkhrah, ka nam Best Karateka (Girls Senior) la ïoh rah da ka Rebeka Nongspung jong ka Providence School.
Ïa kane ka lympung ba la plie pyrda da u Myntri ka tnat Ïalehkai ka jylla u Bah Shakliar Warjri kum u kongsan, la wan ban pynhap pyrda pat da u Ian Campbell, uba dei u Olympian bad Founder Arms Physical Testing kum u kongsan bad u Robert Kabbas, Olympian ba la khur takma rupa ha ka Summer Olympic, Atlanta ha u snem 1984 kum u symbud kongsan.
